12 April 2014

සුබ අලුත් අවුරුද්දක්


ආසාවෙන් ණය වෙනා
ණය වී ෆ්‍රිජ් පුරවනා
පුරවා කා තුටු වෙනා
සිහින කලක් එළඹෙනා

තව සතියක් ගත වෙනා
දුටු සිහිනෙන් ඇහැරෙනා
ලුණුයි බතුයි දිරවනා
ණය ගෙවුමට තටමනා

සමරන සැමට,
සුබ අලුත් අවුරුද්දක්!!

සහන් පද්මසංඛ පීරිස්
THЕ SAHAN © 2014

29 March 2014

ලියමි තුති කවි තවත්

THE SAHAN POEMS, සහන් කවිසඳත් නොම නැග එන
රැයත් තනි නොරකින
කලක් තිබුණා මෙමට
විලක් කඳුළින් මැව්ව

නමුත් නුඹ දිව ඇවිත්
සුරත් නුඹෙ දිගු කරන්
කරක් ගිලි මා රැගෙන
මැජික් බලයෙන් ගොඩට

සැණක් අසුරක කලෙක
මලක් සේ මුදු සුවඳ
කොණක් නොපෙනෙන පෙමක
සිළක් දැල්වූ නුඹම

අදත් මා අත නොහැර
තවත් ඉද්දී මෙහෙම
කවක් නොලියා කොහොම
සියක් තුතිකුරු පිරුණ












සහන් පද්මසංඛ පීරිස්
THЕ SAHAN © 2014 මාර්තු 28

28 March 2014

කවි දහසක්

"කවි දහසක්
ලියමි නුඹ හට"
එසේ නොකියමි
මසොඳුර මම අද

ස්නේහ සේනා
පතුරවා දස දිග
ජයගත් පසුුව නුඹ
මගේ විජිතයේ හද බිම

එදින සිට නුඹ ගැන
නුඹේ මුදු පා යුවල අබියස
සුවහසක් කවි පේලි අතුරන
නුඹට යටත් පෙම් කවියා
සදාකල් මා වූ බැවිණ

සහන් පද්මසංඛ පීරිස්
THЕ SAHAN © 2014

21 March 2014

පෙනෙන තුරු


නුඹ
මා නිවස ඉදිරිපිට
කොන්ක්‍රීට් පාර මත වඩින
තත්පර ගණනක දසුන
නරඹනු වස්

හේත්තු කර හිස
ජනෙල් පියන මත
බලා සිටිමි මම
කල්පයක කාලයක්
සහන් පද්මසංඛ පීරිස්
THЕ SAHAN © 2014 මාර්තු 17


07 March 2014

Hoobastank - The First Of Me (The Rum Diary Music Video)


Hoobastank කියන්නේ, මම අතිශයින් ඇලුම් කරන සංගීත කන්ඩායමක්! Hoobastank ගයන The First Of Me ගීතය, ඔවුන්ගේ ගීත අතුරින් මා කැමතිම ගීතයක්!
Johnny Depp කියන්නේ මම අතිශයින් ඇලුම් කරන නළුවෙක්! Johnny Depp රඟන The Rum Diary සිනමා පටය, ඔහුගේ චිත්‍රපට අතුරින් මා කැමතිම චිත්‍රපටයක්!
ඉතින් මම කලින් කියපු ගීය අහද්දි නිරන්තරයෙන්ම මගේ මතකයට ආවේ මේ චිත්‍රපටය! ඒ වගේම චිත්‍රපටය නැවත නැවත බලද්දී නිරන්තරයෙන්ම මගේ මතකයට ආවේ මේ ගීතය!
ඉතින්, මට හිතුණා, මේ දෙක එකට කරලා බලන්න!
:D
හොඳද බලන්නකෝ!

02 March 2014

නූපන් දියණිය


My Paint සහ Adobe Photoshop CS6 මෘදුකාංග යොදා නිර්මාණය කළෙමි!